擁有32C咪咪的沈卓盈去年跟楊秀惠有米舊愛麥偉汶撻着，熱戀半年愛得火熱，近日還爆出二人有意拉埋天窗，沈卓盈不時出席男友家庭飯局，並識做冧掂未來奶奶。
沈卓盈日前穿上低胸裝接受訪問，一臉風騷的她否認男友已求婚，現年29歲的她日前說：「我細細個有諗22歲結婚，24歲生仔，但人大個咗，諗法都唔同，一切隨緣，結婚仲要睇timing。」沈卓盈近日孖食評家馮美基主持無綫節目《May姐有請》，拍攝期間乘機偷師，問到有否炮製美食箍實男友的胃，她晒命又得戚說：「男友好鍾意下廚，多數佢煮，佢話要用美食箍住我個胃，同留埋我個心。」
採訪：比華利
髮型：Green of Chin.G
場地：Alba
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！