樂隊Beyond成員黃家強跟黃貫中（Paul）上星期在微博上罵戰，Paul更連發三段微博怒轟家強五宗罪，兩人最終由兄弟變仇人，決裂收場。自從Paul在微博鬧爆後，家強並未就此公開回應，前晚首度現身。
狂按手機
前日晚上7時許，家強獨自駕車離開何文田寓所外出，去到新蒲崗七寶街一幢工商大廈準備上樓時，被記者問到Paul埋怨被他抹黑，當時家強並沒任何回應，但提到黃貫中揚言「家強屋企彈支結他都係我」時，家強終於忍不住，輕聲自言自語說：「佢點會畀結他我！」
不過令家強最大反應的，是被問起Paul聲稱「冇咁惡毒嘅兄弟」，明顯見到家強面色轉黑，還取出手機狂按，似乎要向記者證明甚麼，不過當他回過神時，他只簡單回應了一句：「大家開心咪好囉，跟到呢度夠啦。」之後便獨自上樓。據知樓上是家強的band房，看來他是為下月頭舉行的演唱會作準備。
微博罵戰
事實上，家強跟Paul多年來盛傳不和，今次關係破裂緣於跟Paul有私怨的一名記者，上星期在微博上載了一張跟家強的合照。Paul看到後不但插記者是毒人，還埋怨家強說：「原來你們真是一夥。」此後展開微博罵戰。
採訪、攝影：李志明、羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！