徐淑敏（Suki）前晚到荔枝角出席代理的瘦身產品活動，越來越瘦的Suki自爆連上圍都勁縮水，由大肚時的E cup跌到B cup。
Suki又大談瘦身心得說：「我會揀瞓前六小時唔食嘢，飯同肉都會分開食。結婚時我有咗，但又唔可以減肥，自己又怕肥，所以走咗去搵按摩師通淋巴，又用超熱鹽水浸腳，雖然好古怪，但好work。」
提到老公黃浩官司的進展時，她就表示沒有特別進展。
有傳好姊妹沈卓盈結婚，Suki直言沒有聽對方親口講過，若是真她一定會搵自己做姊妹，又指希望沈卓盈結婚前後都好。問到Suki是否有所暗示？她直言結婚前後沒這麼sweet：「間唔中去旅行當調劑吓，但老公都就多咗我，最緊要互相尊重，就算大家意見唔同，都唔好影響感情。」
採訪、攝影：楊潔雯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！