前晚一連兩場「露雲娜賈思樂Reunited」慈善演唱會假灣仔伊館開鑼，被譽為金童玉女的賈思樂與露雲娜以靚絕歌聲演出，賈思樂更戴上哥哥張國榮當年送贈的頸巾再踏舞台。
這次演出，露雲娜獲得愛兒及未婚夫並排而坐捧場，握手位時她更與兩人擁抱。被賈思樂取笑為喊包的露雲娜，全晚喊了四次，她在獻唱歌曲給去年過身的父親時激動得淚流披面，幸好沒令父親失望而唱完整首歌，她熱淚盈眶地說：「好多謝好多人鼓勵我出番嚟唱歌，當中包括Eason（陳奕迅）。」
張國榮的紀念品
頭場嘉賓是跟露雲娜相識廿多年的李克勤，克勤先跟兩人合唱《三人行》，然後搞笑說：「我成日聽人講細細個聽我啲歌，今晚我終於可以講番呢句。」克勤還爆初出道時露雲娜經常帶他去高級餐廳食飯。
獲囝囝與未婚夫見證演出，露雲娜完騷後大表感動，賈思樂大讚喊包拍檔表現好，因綵排時從未試過唱畢整首獻給爸爸的歌。
談到哥哥的頸巾，賈思樂說：「當年喺TVB化妝間我讚哥哥戴條頸巾好靚，佢就除落嚟戴喺我身上，然後話我都戴得好睇就送畀我，哥哥話當係紀念，佢真係好鍾意同人分享自己鍾意嘅嘢，我只會喺特別日子先戴。」
採訪：胡比
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！