卿姐之後，又有立法會議員加入WhatsApp行列，就係新民黨葉劉淑儀嘞。咦，葉太唔係向來力撐高科技產業㗎咩，點解連WhatsApp都冇用？原來佢一直有兩部手機，一部BlackBerry、一部Nokia，平時最常用BlackBerry嘅email同人聯絡，覺得已經好方便。點知身邊嘅朋友，逐個改用WhatsApp，仲不斷叫佢加入玩group chat，葉劉最終都「就範」，噚日向八方宣佈呢個「喜訊」。
講開Nokia，葉劉真係讚不絕口，話輸入法超正，原來佢有買到Nokia股票，身體力行勁撐Nokia。