已故支聯會前主席司徒華說過，要每年重演六四舞台劇《在廣場放一朵小白花》，讓下一代認識六四。中四學生羅振飛看過此劇後，嘗試換個角度，「如果當時軍人都企喺學生嗰邊，對執政者、對中國共產黨係一個好大危險」。那是他對六四鎮壓的重新思索，「清場係一定要發生嘅事」。
今年是《在》演出第5年，本月18日在城市大學義演一場，245名觀眾近半是學生，天水圍伊利沙伯舊生會中學38名師生入場上了一堂通識課。劇中穿插六四紀錄片段，解放軍入城、民眾送水送糧，勸他們不要鎮壓。這段史實，羅振飛多了一層思考。他在想，若軍隊站在民眾一方，或會動搖管治威信：「如果我係執政者，呢件事點樣做得好啲呢？」
暫時沒答案，但他肯定學生爭取民主自由沒做錯，「只不過件事end up（結局）得唔係大家理想中咁和平」。24年過去了，他認為六四要平反，「但未必係轟轟烈烈，要逐步逐步嚟，始終要知道中國國情，唔同西方國家，執政者得一個黨，如果佢行出嚟話好，我哋平反六四，其實對佢個管治都係好危險」。
相信半世紀可平反
羅振飛認為，平反六四要從意識形態入手，慢慢提高中國人的知識水平、政治關注度。他今年16歲，相信半世紀內，六四可望平反。劇中兩名民運學生絕食抗爭，中四樊同學不太認同，「佢哋可以堅定立場，但唔需要絕食，可以用另一個方法表達意見」。軍隊入城，學生死守天安門廣場，她認為學生應先離開，再以其他渠道爭取，「應該避免呢件事發生」。同學各有己見，但軍隊向學生開槍，他們一致說不，劉同學說：「學生都係唔想有貪污，點解要開槍鎮壓？」
今年如何悼六四
同學生一齊去維園
何老師 中學通識科教師
今日我會帶學生去參觀六四紀念館，六四當晚同學生一齊去維園悼念，仲會喺校內展出當年嘅剪報同歷史片段，但唔會落註釋，由學生自己去理解判斷。
六四24年，我們不想記起，但未敢忘記。
蘋果六四專頁： http://6471.appledaily.com/