工聯會亡國興最近有塊banner，成功凝聚一班政務官齊齊批評佢，事關佢用CY嚟壓勞工及福利局局長張建宗，話特首都接納咗佢要求，肯畀單肢傷殘人士攞傷殘津貼，張建宗拖到幾時先肯做，無非要求狼振英開嘅期票，由公僕去找數。
知道辣㷫咗班AO，亡國興即時補鑊，話狼振英喺施政報告應承咗㗎，但張建宗一味話要做研究，所以咪「以子之矛、攻子之盾」向張建宗「追債」囉。
八方睇番施政報告，其實狼振英只係話佢喺政綱提出咗容許單肢傷殘人士攞津貼，勞福局正籌備成立跨部門小組研究。到底亡國興唔識分辨狼振英嘅語言偽術，抑或佢根本唔可信？心照啦。