劉德華與鄭秀文（Sammi）這一對電影絕配組合，今年為杜琪峯執導的電影《盲探》合體，日前接受逢周五隨《蘋果日報》分區附送的時尚美容雜誌《add》訪問，暢談13年友情的點滴變化。對於友情，Sammi用「渾然天成」形容：「大家一拍埋就夾，默契自然嘅程度，係一埋位大家對戲，拍戲時嗰種互動，就好似inborn，彼此信任，經過多年合作，我好珍惜，好珍貴嘅友情，珍貴係工作上咁合拍嘅拍檔。」華仔笑言與Sammi在性格及交朋友方面很接近：「我哋係為朋友嘅，但又好少打擾朋友生活點滴嘅人，對事件嘅要求都差唔多，所以就變咗好朋友。」
施壓擦火花
問到二人最大的轉變，Sammi笑言華仔奔放了：「越嚟越奔放，尤其係拍片嗰陣，華仔越嚟越『開』，個人又開，大家都開咗對方一啲大門，搵到個好對手，就會互相激發、互相去啟動對方，好似撻着咁，毫無忌諱，自然嘅演出。」華仔則笑言大家都瘦了：「性格同演出都會隨經驗及體會唔同，佢對生活嘅泰然，對角色嘅要求就隨心而發啲，今次我會更嚴格要求佢，逼佢，等佢拎多啲嘢出嚟，喺打同演出各方面，我都會比以往畀佢多啲壓力，又會有新火花。」（詳細內容請參閱第五期《add》）。
此外，Sammi最近憑《高海拔之戀II》入圍第13屆華語電影傳媒大獎最佳女主角提名，與台灣的桂綸鎂、張榕容，以及內地的顏再丙及郝蕾齊齊角逐。男主角則由《寒戰》的梁家輝、《大追捕》的張家輝與內地演員張豐毅、黃渤及陳建斌競逐。
撰文：唐如
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！