（喜）碧咸退役後會做咩？𠵱家睇嚟最有可能做美職聯球會班主。邁阿密市長戴亞斯話，碧咸今個星期會嚟訪問，睇吓有冇機會喺嗰邊搞隊波，「係呀！碧咸會嚟呀，但件事暫時仲係初步階段，佢都係嚟睇吓環境啫。」38歲嘅碧咸曾經效力洛杉磯銀河，有心幫助美國足球發展，所以美職聯賽會畀咗個經營權咸哥，希望佢可以建立一支新嘅球隊。