馬國明、鍾嘉欣、郭羨妮同陳展鵬早排去咗溫哥華出席為無綫宣傳嘅簽名會，點知因航班延誤，搞到遲咗幾個鐘至到，好彩過千名粉絲依然好有耐性等偶像。佢哋四個到場後都好識做，即刻黃大仙上身，有求必應，又簽名又握手招呼班粉絲。
第二日佢哋出席喺溫哥華大劇院舉行嘅《金鑽星光大匯演》，更為觀眾大展歌喉，郭羨妮又同魔術師合作表演，不過今次嘉欣BB就冇玩魔術，反而表演呼拉圈。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！