現年46歲的蘇永康昨日下午2時46分，為雷頌德的演唱會試完衫後，駕駛名下價值33萬的Mini Cooper返回香港仔寓所時，聲稱因閃避小動物導致汽車失控，撞毀路中央的十米鐵欄，汽車的右前轆更撞至飛脫，安全氣袋爆出，幸好蘇康安然無恙。
證實冇飲酒
當時蘇永康沿薄扶林道快線往中環方向行駛，當駛至薄扶林村對開時突然失控撞欄，事後蘇永康報警求助，警員到場為他落口供並接受酒精測試證明沒有飲酒。他在現場接受記者訪問時說：「啱啱幫雷頌德嘅演唱會試完衫準備返屋企，點知行到呢度忽然衝出一隻黑色小動物，自然反應扭軚閃避，最後炒咗上欄，好在人冇事，出事後第一件事打畀屋企人報平安，估唔到差100米返到屋企至出事。」
蘇康表示其座駕拿了去保養，因此用了平日女友駕駛開的Mini Cooper。拖車到場後他從出事汽車取回兩袋衣服，放到在場採訪的傳媒汽車上，坐順風車回家。
及至下午6時許蘇康應在場等候的記者要求，在家下樓再接受訪問，同時他亦透過所屬經理人公司發聲明，講述事發經過。聲明中他不單讚揚在場警察及記者幫助，更開玩笑表示：「大難不死，必會發達！」
採訪、攝影：劉柏麟、吳耀輝、彭琮然
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！