（喜）為咗爭連任，皇家馬德里主席佩雷斯當然打死都唔放基斯坦奴朗拿度（C朗）啦！有指C朗喺皇馬唔太開心，曼聯亦有意回購；但佩雷斯話唔介意開世界最高薪留人。而放緊假嘅C朗就繼續狂歡，周二去睇Rihanna演唱會，仲入後台同對方合照。另外，好鍾意同傳媒講嘢嘅尼馬爸爸又爆料，話尼馬揀巴塞係因為寧願同美斯踢一場波都唔想同C朗踢成季喎。