（樂）完咗球季，尹佩斯返咗家鄉荷蘭推廣足球。佢同飛燕諾嘅千達迪迪維希拿加埋一位街頭足球高手一隊，同3位身高只到佢哋腰嘅小朋友鬥波。3個大人冇放水，插花、後腳、通坑渠咩都出齊，搞到啲小朋友一仆一碌，波皮都掂唔到。雖然大蝦細唔係好啱，但可以同世界級球星同場過招，相信班小朋友都開心！