由「留守廣場上的記者」到被網民改圖謔稱為「大中華膠」，謝志峰自言對國家有深厚感情，對年輕一代抗拒中國人身份，他認為中共應反省，「點解搞到啲人聽到中國人呢個詞都打晒冷震？梗係平時做嘅嘢令人心灰意冷，逼到啲人離家出走啦」。他認為參與六四集會毋須複雜理由：「當年你有冇嬲怒過？六四鎮壓係咪啱？」
「愛呢個國家冇罪」
六四時任職亞視記者的謝志峰，上周出席國民教育家長關注組活動時表示香港逃避了發生在中國的革命和災難，有責任為中國服務。事後收到署名Christina Walter的公開信，批評謝「綁架整個香港」，不同意中國是香港人的根，又指謝已年老「未能夠接受香港新一代對香港和中共國的感覺」，有網民更製圖嘲諷謝是「大中華膠」。
謝對被抽秤「無言以對」，「愛呢個國家冇罪，我所謂幫中國，係一個大概念，而唔係中國政府嘅概念，我自覺係中國人，立場想中國好，唔係盲目，唔係啱唔啱我都維護」。他對本土派的想法感失望，認為是逃避，「我唔會嬲佢哋，我都有無力感，佢哋都係經過好痛心嘅階段先選擇咁做」。
六四24年，我們不想記起，但未敢忘記。
蘋果六四專頁： http://6471.appledaily.com/