八方好多本地朋友都話，已經推晒下星期二晚嘅約會，事關當晚係六四事件24周年燭光集會，點可以缺席？歷年燭光集會，唔少團體都會擺檔籌款，今年華人民主書院亦會喺銅鑼灣糖街入口開檔，獨家發售王丹最新著作《獄中回憶錄》。
據知呢本詳載王丹坐監史嘅新書，原本香港7月書展先有售，華人民主書院今次搶閘，都係想畀王丹支持者先睹為快，其中200本仲有王丹親筆簽名㗎，每本賣100蚊。收益扣除成本後，會全數撥捐民主書院搞民主教育。
六四24年，我們不想記起，但未敢忘記。
蘋果六四專頁： http://6471.appledaily.com/