喺大銀幕發展憑扮儍成功嘅「馬人」，講嘢抵死啜核引人笑，現實中嘅佢其實唔好相處脾氣又大，早排先有個女公關俾佢開拖鬧。話說早排馬人出席一個活動，女公關事前冇講會有記者在場，馬人去到見大班記者，表面上扮冇嘢打招呼，一返到後台就捉住個公關係咁質，話個公關唔通知係咪想跣佢。個公關出力解釋，番書妹當中夾雜唔少英文，馬人一肚火借題發揮，話自己係中國人唔識聽英文，要佢講番中文喎。唔好玩啦，係人都知你係著名男校出嚟，英文唔識多都識少啦，擺明係要人難落台啫。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！