電影《無間道》的出品人莊澄早前接受本報電話訪問，談到警察在電影中的形象越見低落，他認為這跟社會及經濟轉變有關，他說：「80年代代表人物李修賢，都係演出身屋邨嘅沙展，形象比較典型，去到《無間道》已經變成劉德華嘅督察，仲有警司，喺以前邊有人知警司係咁高級。電影人身份隨住時間升級，好大原因係社會經濟好咗，觀眾都變得中產。以前所謂犯罪咪打吓劫，𠵱家講親都係食大茶飯。人物角色轉變，引申到時下好多電影嘅警察角色都唔討好。」他覺得由曾蔭權到湯顯明事件看到，對上位者的監管相對低級的公職人員較寬鬆，莊澄說：「你睇番最近啲高官所訂規條，都係自己管自己。講簡單啲，早年有個俾人稱做『叫雞警司』嘅冼錦華坐監。」他亦認同隨着警隊爆出醜聞，加上近年警方被指淪為政治打手，有關電影中已沒有以往的正面。
雖然如此，莊澄表示在拍攝有關警察的電影時，香港仍是一個很自由的地方：「基本上你拍乜嘢題材都可以，你寫衰警察都得，冇審查，最多佢唔借地方畀你。至少以我所知，馬來西亞同內地都唔可以寫警察衰嘢。」但戲中演員所着的制服就不能跟現實有出入。
撰文：何永寧