闊太輪流出貨！繼資本策略（497）主席鍾楚義太太簡淑妍沽出淺水灣豪宅後，孖屐傳出，最近有買家睇中「殼王」陳國強太太伍婉蘭（Macy）揸住嘅中半山豪宅帝景園，出價7,000萬，呢個單位建築面積2,266呎，實用1,806呎，雙方傾到尾聲，成事機會好似幾大。
六年升值逾倍
Macy喺07年初以3,270萬買入呢個單位，六年幾升值逾一倍，若然賣得成，轉手賬面賺3,730萬元，都咪話唔和味，難怪佢會心動。
咁亦證明唔止殼王投資有道，佢太太嘅投資眼光亦有番咁上下。
買傳統名牌豪宅向來有句俗語，就係「有買貴，冇買錯」，不過就算有錢買，都要識得捕捉時機先得。
好似鍾楚義太太最近咪沽咗件淺水灣嘉麟閣，賬面賺4,100萬。不過咁，呢兩位投資高手嘅阿太輪住沽貨，有冇玄機呢？