影壇𠵱家有兩位紅星鬼見愁，好多導演都怕咗同佢哋合作，一個係「大鈔」、一個係「藥丸」，自從大鈔有咗自己嘅公司後，做咗老闆就乜都要話晒事，連拍人哋嘅戲都要霸晒主導權，不過有時候佢都會撞板。話說大鈔同「大亨」傾合約時，份合約原本有一條寫明每次出埠必須提供私人飛機畀佢，咁大亨睇到呢個條款，當然唔多高興，話個個係咁，公司仲得了，認為唔可以開先河，所以就叫人將呢條刪除，仲聲明如果佢唔制就咪鬼簽啦，結果大鈔咪乖乖哋就範簽約囉！
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！