中國出名假嘢多，就連經濟數據都被懷疑造假，早排喺內地引來廣泛關注嘅H7N9新型禽流感，相關消息好似沉寂落嚟，但一班平時食好、住好嘅基金經理同埋專業投資者就點都唔肯博，搞到摩根士丹利要將年度亞洲投資論壇，由上海移師到紐約。
外電報道，大摩原定上周二，喺上海舉行為期三日嘅投資論壇，但由於部份投資者同基金經理唔肯飛去上海，大摩惟有將論壇延期至7月，地點亦由上海改為紐約。
延期至7月舉行
呢個論壇自2005年起就喺上海舉行，中間只有兩屆移師北京同香港，通常有60個以亞洲為投資目標嘅對沖基金參與，家陣要由中國去到美國搞，大摩班客仔真係好驚喎！