離合，好平常㗎啫。提倡香港自治嘅陳雲，反對港人再出席六四燭光集會，噚日佢仲喺facebook宣佈，要同堅持出席嘅香港本土派范國威同毛孟靜「分手」，話香港本土運動係激烈抗共行動、維護香港利益，冇溫和呢回事，批評溫和本土派自我閹割：「毛孟靜、范國威兩位議員，我們在此分手。你們不是我的盟友。」
咖喱飯對此分手宣言，一副冇你咁好氣態度，寧願專注搞行為藝術，預告今日會着住染紅色油嘅「血衣」就毋忘六四議案發言，逼中共同建制派正視六四事件血的教訓。Miss Mo亦話會繼續出席六四燭光集會，表明唔會同自己長達四分一世紀嘅堅持切割。