黃宗澤（Bosco）、周麗淇（Niki）和苗僑偉（三哥）等《好心作怪》的演員前晚在無綫將軍澳電視城擔任《超級無敵獎門人 終極篇》嘉賓，三哥和Bosco在「超級無敵反反反」中，不避嫌承認曾經背住另一半與其他異性約會，三哥說：「我當時只係出去同人傾偈，冇歪念。」Bosco則說 ：「我怕麻煩，唔想對方問長問短，我有時好戇居，會唔記得自己講過啲乜嘢。」Bocso食辣辣壽司食到V嘩鬼叫，被志偉笑說：「你以前嗰件都哽得落，何況呢件呀！」志偉明顯在單打Bosco舊愛胡杏兒！
谷劇過30點
無綫劇集收視下跌，被視為救亡劇的《好心作怪》下周推出，為谷收視，劇內做情侶的Bosco和Niki交足功課，Bosco說：「我哋務求谷到收視爆燈，如果有30點收視，叫Niki着三點式，三哥着泳褲兼請食飯。」Bosco為何不穿泳褲？他笑說：「我唔着你哋都睇過喇！」三哥說：「咁睇得起自己，一攞就30點？不過我哋都有信心，冇話係救亡，收得好咪食餐飯慶祝囉，泳褲留畀Bosco。」
曾志偉否認《獎門人》抄足韓國節目《Running Man》，他說：「我都諗唔到邊一part係抄《Running Man》，唔同地方有唔同玩法，以前我哋都周圍去取經，所以冇所謂抄定唔抄，大家都唔好介意呢個問題，都係帶歡樂畀大家啫！」此外，Niki坐車往內地工作途中爆軚，險些遇上車禍，幸有驚無險，但已嚇得Niki不敢再在車上睡覺。
採訪：卓寶花
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！