立法會工務小組噚日通過向政府撥款7,430萬，由立法會大樓一樓搭橋駁去對面嘅中信大廈，預計2015年6月底前起好，呢個決定對議員嚟講係一大喜訊，事關議員要過中信海都同其他食肆開餐，行幾步路就到咯，唔使好似𠵱家咁要兜路。
雖然條橋主要畀議員同經常去立法會嘅人使用，但議員都想盡辦法幫市民慳錢，工黨何秀蘭關注條橋點解一年皮費要10萬，覺得立法會嘅橋唔使咁豪華呀？仲有卿姐好細心咁發現新橋有綠化，但原有嗰截就冇，驚好肉酸。政府官員就解釋，嗰10萬蚊包咗好多嘢，暗示唔算貴㗎嘞；而綠化問題，就話會再研究吓喎。