為now 101台主持《輝哥的饌賞》節目嘅前副廣播處處長吳錫輝，最近請嚟前局長馬時亨同佢太太，一齊去到灣仔一間廣東小菜飯店，邊食邊論政。曾任商務及經濟發展局局長嘅肥馬席間自爆，在任時曾經游說吳錫輝做廣播處處長，但慘遭送上一個大檸檬，唔知吳錫輝有乜嘢苦衷？曾因為仙股事件向市民鞠躬認錯嘅肥馬，自稱此舉喺問責局長中「前無古人，後無來者」，似乎暗示𠵱家梁班子做錯嘢又唔肯認，向官員送上「食得鹹魚抵得渴」呢句金句。吳錫輝原來仲專程同肥馬重遊港大校園，諗番那些年一日狂煲兩包煙嘅輕狂歲月。節目本周六晚10點半喺now 101台播出。