文凱玲、石天欣及夏尉喻（寸嘴Barbie）日前到柴灣影樓為手袋品牌mousse拍攝廣告照，文凱玲身穿比堅尼，拋胸又大晒43吋長腿，寸嘴Barbie則穿上谷胸裝趴地唧胸，其中一個甫士更要二人真空上陣。石天欣則以柯德莉夏萍造型上陣，性感程度比文凱玲及寸嘴Barbie遜色，她說：「我哋走唔同路線。」
文凱玲以腿作賣點，即使真空亦不介意，她說：「都貼晒乳貼，唔會太尷尬，腿部線條係我對身材較滿意嘅地方，不過提腿擺甫士時，啲腹肌都震晒。」最近在無綫劇集《情越海岸線》中谷胸搶鏡的李綺雯，今次為眾女形象操刀，她說：「邊學邊做，我嘅事業線大家睇厭咗，交畀佢哋。」
採訪：卓寶花
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！