酒店食物多得要倒，基層市民則為食苦惱，非牟利機構膳心連Foodlink便作兩者橋樑，把剩食重新分配！
Foodlink工作人員梁正鏜(Tommy)每天的任務，就是到不同捐贈機構收集剩食，上午和下午各一次，「一般一日回收約100公斤食物，但試過最誇張的一次收到400公斤食物」，即是約80個大碼食物盒。為了確保食物新鮮衞生地由酒店運送給受惠機構，在港九新界服務的三部小型貨車車尾都特製雪櫃，並確保一小時內把食物送到目的地。
深水埗區的基層市民較多，有調查訪問過區內400多個居民，八成受訪者都認為食物開支是生活最大負擔。李美思牧師看到這區的需要，去年開辦豐盛恩典之家，每日免費為區內街坊預備午餐，並在年頭開始與Foodlink合作，逢禮拜一收到剩食，減輕教會預備食物的成本。李牧師說：「我們很開心可以吃到酒店的食物，他們真的給我們麵包，每天早上到幾間麵包舖攞麵包，我就唔使花太多錢買菜。」
88歲的鄺婆婆每天都到教會享用午膳，生活有很大的改變:「以前喺屋企得一個人，唔係食菜就係魚，呢到人多一齊煮，咪食多啲嘢囉！」75歲的趙婆婆更笑言:「嚟呢到食飯肥咗10磅，仲慳返幾百蚊」，患有骨骼疏鬆的她，要長期服食三種藥，省下買菜錢，財政便鬆動得多。
據 Foodlink統計，每星期收到的剩食、生果等有1500公斤，及有9100袋麵包，足以提供7500餐膳食。Foodlink的開拓及發展總監 Alice，間中都會到受惠機構做義工，看見老人家吃得開心，她都感到很滿足，「睇見佢哋係好開心㗎，我哋嘅創辦人喺2001年嗰陣食自助餐，見到有好多食物浪費咗，佢就問侍應啲食物點算好，侍應話冇辦法惟有扔掉，佢就話不如畀我打包拎畀露宿者，Foodlink就係咁開始。」
Foodlink 目前連繫了50間捐贈機構，包括酒店、會所、員工餐廳等，及45間受惠機構，但Alice認為捐贈剩食，在香港仍是很難推廣，原因是沒有法例保障捐贈機構，「很多酒店唔敢同我哋合作，或者就算同我哋合作，佢哋都畀好安全嘅食物，仲有好多食物係浪費咗」，她希望香港可以參考美國和加拿大，引入好撒馬利亞人法，保障捐贈食物的工商業機構和分送食物的志願機構，免除法律責任，讓更多人受惠。
記者：鄒倩婷
攝影：李漢基
愛地球 齊齊Go Green： http://green.appledaily.com/