「大頭」係公認嘅演得之人,攞過唔少獎項,可能因為演技好,佢有時真係連鏡頭以外都做埋戲。喺人前,大頭好坦承以前自己做過啲乜嘢壞事,令自己個形象好光明磊落咁,但原來一切都係做戲。
以前大頭係個幾任性嘅人,出晒名性格寸到爆,近年撻埋信仰出嚟令自己形象正面好多,但都係性格巨星一個,有時同啲弟兄姊妹出嚟,人緣好似幾好咁,原來係假象,講到錢都係要失感情,聽聞佢曾經試過,經理人幫佢傾緊一單工作,但當佢知道個客戶自己都識嘅時候,就瞞住經理人自己搵個客傾掂數,慳番啲佣。唉,連呢啲時候都要做戲,真係戥佢攰。
撰文:關仁
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!