正所謂同人唔同命，呢樣嘢由同為狼英愛將嘅洪綺敏同陳冉就睇到啦。話說旅發局主席林建岳噚日出席一個企業家論壇，而傍住佢到場嘅，就係擔任麗新發展公關經理嘅狼振英愛將洪綺敏啦。
八方一見到洪綺敏，就即時諗起佢密友，即係曾經為狼振英助選嘅陳冉BB，因為陳冉BB離開候任特首辦後，獲狼振英推薦去商交所，做張震遠主席個助理，但勢估唔到張震遠最終會一身債，肯定唔似泊到好碼頭嘅洪綺敏咁風騷啦。八方就問洪綺敏有冇關心吓密友嘅最新狀況，佢唔多想評論，只跟住岳少四圍走。
政圈盛傳狼振英有可能搵岳少入行會替補，但岳少噚日封口唔回應有冇興趣做行會成員喎。