自從舊年同胡杏兒八年情玩完之後，黃宗澤（Bosco）嘅緋聞未有停過，噚日有消息話觸發杏兒怒斬8年情，因為Bosco一腳踏兩船搭上20歲嘅林穎彤（Bella），女方周圍同人講話係Bosco女朋友，自稱「波波B」宣示主權。噚日Bosco喺電視城現身俾人追問，佢話：「我同佢（Bella）係拍《潛行狙擊》識，但拍完戲冇聯絡。唔好玩我，我同杏兒嘅事過咗咁耐，唔好再提，唔想影響到人。」
自稱寄情工作嘅Bosco果然近日專心拍劇，日前同古明華、王浩信，仲有個8歲大嘅小朋友喺火炭嘅大牌檔拍無綫劇《貓屎媽媽》，話說做大佬嘅張穎康撞到Bosco個仔流牙血，Bosco梗係同佢哋理論喇，點知俾陳志健扮惡拗斷幾條筷子兇返轉頭，話晒有小朋友喺度，當然搞笑成份多啲喇！
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！