【本報資料】明晚季內最後一次谷草C加3欄，預測天氣正常，掛牌應為好地。
跑法：谷草C加3欄一向偏差嚴重，以最近4月10日為例，當晚中內檔前置馬表現較佳，單係一檔馬已交出一勝四位一殿，而「閃耀小子」、「無敵駿駒」及「九天銀河」一放到底，另外「金湶」及「心甜意合」守前領馬之後的貼欄包廂位下建功，就算居中後上之「信心出擊」及「百戰百勝」亦係沿欄推進，走外叠非常蝕底。
馬匹：頭場「無敵駿駒」正是於4月10日谷草C加3欄贏馬，而且歷季三戰此賽道更取得兩冠一亞未失Q，搶出憑跑道形勢之助可放到。此外，尾場只得「迎風起舞」及「蓋世子牙」贏過谷草C加3欄一哩賽，其中前駒抽得三檔好位，韋達操過唔揀亦不能輕視。