家陣要搵made in HK嘅衫唔易㗎，經民聯主席梁君彥位於葵興嘅毛衣廠，就係少數留港生產嘅工廠，「香港製造」呢個品牌令佢不知幾自豪。唔講唔知，原來佢呢間工廠，係全港首家引入六種顏色毛線編織底花嘅毛衣廠；人冇佢有，怪唔得做得住。佢話試過半個鐘就同個客傾掂生意，單生意仲夠撐工廠半年運作！
佢嘅新抱仔、即係阿仔梁宏正老婆張曉君婚宴嗰晚着嘅刺繡晚裝，原來都係梁氏家族自家設計，據知唔少賓客見到好都like，之後好多政界朋友搵佢包辦宴會晚裝。
至於做老闆之道，佢堅持就算工廠自動化，工人一個都不能少，要畀工人做到退休為止。