「生果」以前係性感女神，但自從做咗阿媽，佢就減少性感，不過早排佢離婚，曝光率亦相繼多咗好多，雖然年紀唔輕，但佢都好鬼搏命，最近出席公開場合都大騷身材，不過就似乎暴脹咗好多，可能因為走晒樣，所以工作量都唔係好多。佢𠵱家要孭起成頭家，真係一啲都唔容易，唔知生果係唔係急於撲水，聽聞佢勁𢱑撈，之前就接咗部低成本作品，仲要係做陪襯品，關仁仲聽聞佢連劇都想撈埋，仲想向大婆台自薦拍劇，始終𠵱家公仔箱啲藝人易入屋，吸水能力又會自然增加，如果成功拍劇，起碼佢可以減輕吓家庭負擔。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！