演藝界明哥敢言敢做，係唔少人嘅偶像；深水埗飲食界明哥，一樣受人敬重，事關佢愛心爆棚，會向有需要人士派愛心飯。
原來深水埗明哥，即向北河燒臘飯店東主陳灼明好支持公民黨立法會議員毛孟靜。噚日Miss Mo嘅李鄭屋邨辦事處正式開幕，除咗有李鄭屋邨業主會主席劉貴華捧場之外，亦獲深水埗明哥到場主禮。
明哥話會一直支持Miss Mo嘅地區工作，希望有機會一齊去派愛心飯。噚日嘅開幕禮好熱鬧，有過百位李鄭屋邨居民出席，Miss Mo仲同居民一齊戳爆氣球扮炮仗聲，唔少居民爭相同佢影相留念，力撐Miss Mo繼續喺立法會為民發聲、捍衞公義。