人稱「澳門長毛」嘅澳門民主起動副主席利建潤噚日「冒險」參加支聯會嘅愛國民主大遊行。
疑被警方秋後算賬
何解八方話佢「冒險」﹖皆因佢話聽到朋友講，警方正刮緊包括佢在內，九名上年四月一日參與反梁振英兼反西環治港遊行嘅人士，打算告佢哋非法集結。利建潤話嚟緊會參與澳門立法會選舉，佢本身有香港同澳門身份證，噚日就「低調」以澳門身份證成功入境，希望報道出街之後，都仲可以成功出境啦。
佢同八方講，已經半年冇嚟香港，但年年都會參與六四遊行，今年梗係唔可以缺席，事關若然唔盡力爭取中國有民主，香港同澳門就會冇希望，至少唔會有真正嘅自由同普選㗎嘞。