立法會主席曾鈺成上周為預算案剪布，曾自嘲政府為「失匙夾萬」嘅鬍鬚曾終於可以鬆番一口氣。係預算案通過後翌日，佢即刻出席中華國術總會搞嘅「洪門宴」，同一班練洪拳嘅武林前輩及師兄弟聚首，同時欣賞咗幾節拳腳套路同兵器示範relax吓。
鬍鬚曾席上仲同闊別卅幾年嘅師弟Malcolm重遇，大談那些年的有趣事。
首本洪拳英文書出版
鬍鬚曾嘅武學師傅鄺鐵夫就係一代洪拳宗師兼武學奇才林祖嘅門生，所以鬍鬚曾都稱林祖為師公。
原來呢次洪門聚會有兩個目的，除咗紀念林祖仙遊一周年之外，同時會宣佈首本英文洪拳專書《洪拳入門—伏虎拳》（Hung Kuen Fundamentals: Gung Gee Fok Fu Kuen）即將出爐，呢本英文書係林祖嘅囝囝林鎮輝率領弟子編撰，詳載洪拳發展史。