王維基嘅香港電視前日喺網上播放咗劇集《開腦儆探》首集片段，話要用民意話畀特區政府知，香港嘅觀眾想要更多免費電視台，網上反應熱烈，好快儲夠5,000個分享，噚日凌晨佢哋又放咗青春劇《童話戀曲201314》首集片段同觀眾分享。
另外，黃日華噚日同太太梁潔華喺尖沙嘴做活動，華哥話公司劇集喺網上試播，慣咗反應慢嘅政府應該見到巿民心聲，但佢都認同好難贏到有40年根基嘅無綫。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！