曾揚言退出香港娛樂圈的側田，前晚「復出」在紅館舉行「側田命硬世界巡迴演唱會2013香港站」，除方力申和楊愛瑾外，側田媽媽和女友均有到場支持，楊千嬅、恭碩良和馮允謙則擔任表演嘉賓。
千嬅出場即掀起全晚高潮，她在台上向側田追歌，側田表示已寫好一首叫《RMB》的歌賀她生仔。千嬅打蛇隨棍上催他結婚生仔，側田說：「太貴啦，我又冇樓，點似得你有咁多樓！」千嬅說：「生咗小朋友就會更努力工作同做人㗎啦！」側田有感而發：「我真係以為自己走咗一輪冇晒朋友，你都唔嚟做我嘉賓！」千嬅拍拍他的肩膊，對觀眾說：「大家大力啲拍掌，拍到側田唔捨得離開香港。」
前晚側田特別獻唱《兩個女人》冧媽媽和女友，唱到「I Love You」歌詞時，刻意指住台下的女友，唱完還對她飛吻，甜到漏！雖然女友在台下監場，但側田與性感女舞蹈員跳辣身舞時，依然很放。
拖老公嘆意菜
完騷後，千嬅與老公丁子高及友人到中環一間意大利餐廳食飯，昨日凌晨一時多，兩公婆恩愛拖手離開，丁子高明顯飲了酒，面紅紅問老婆：「我哋架車呢？」千嬅說：「司機收咗工啦！」由於現場沒有的士，千嬅索性坐順風車，叫記者送他們返家。千嬅一度要求坐車頭，但被老公阻止：「唔好，你坐番後面。」
採訪、攝影：楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！