【銅鑼灣→黃泥涌道】張家輝日前左手手指尾做手術，當時被影到包到隻糭咁，前晚見佢拆咗紗布，只係用膠布貼住。家輝難得唔使開工，就同老婆關詠荷帶埋囡囡Brittany敍天倫，一家三口手拖手，由銅鑼灣利園行返去黃泥涌道逸廬新居。沿途Brittany跳跳紮好活潑，家輝途經地產舖停低係咁睇櫥窗，佢新居被爆花咗3,000萬元買入，唔通睇吓行情仲有冇筍盤？
採訪、攝影：徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！