英國傳媒話阿仙奴見朗尼（中）想離開曼聯，諗住打破薪酬架構，以20萬鎊周薪引佢加盟。不過，朗尼𠵱家喺紅魔都好似𢭃緊25萬鎊周薪，如果兵工廠只係出20萬鎊，似乎冇咩誠意；或者阿仙奴要再加啲簽約費同合約年期長啲，先至會令朗尼心動。但老實講，以阿仙奴孤寒財主作風，都好難爭贏巴黎聖耳門同摩納哥呢啲富豪球隊。