曼聯射手尹佩斯同忠實阿仙奴球迷、CNN主持皮亞斯摩根呢季成日打口水戰，摩根曾經狂插尹佩斯為錢加盟曼聯，仲幫佢改咗個花名叫「尹錢」。尹佩斯最近就反擊摩根，寄咗張親吻英超獎盃嘅相（圖）畀後者，明寸摩根愛隊8年無冠！尹佩斯喺相度寫咗啲普通嘅感謝說話，但另一面就寸爆，寫住「捧盃嘅感覺真係正！為皮亞斯傷心！」