拿玻里主席迪羅倫迪斯上周五先好開心咁話：「我送咗份64歲生日禮物畀自己，就係請咗賓尼迪斯（圖）執教。等佢搞埋啲手尾，過兩日就正式宣佈，我同佢簽兩年約。」但周五晚，迪羅倫迪斯似乎知講錯嘢，所以即刻轉口風，「根據歐洲足協規定，我唔可以講新教練係邊個，佢同舊球會仲有約。可以宣佈嗰陣就會同大家講。」