許志安、JW及雷頌德等前晚於中環出席MCM皮革品牌活動，問到安仔有否留意鄭秀文（Sammi）被拍到「飛釘」跑步？他即轉移話題：「冇睇呢啲。」他透露忙於為Big Four巡唱而跑步keep fit：「怕啲衫唔啱着，着番啲褲都怯。」問到Sammi會否過澳門捧場？他說：「唔使，每次佢喺度我都會特別緊張，冇平時咁揮灑自如。」此外，JW回應早前為時裝品牌演出宣傳MV被拖數，她說：「我睇報道先知，公司行政會負責，自己做好本份就OK，冇擔心過，亦冇影響收入，每個月有糧出。」問到近期可有見過樂基兒？她則說：「好耐冇見，亦都好耐冇見過Leon（黎明）。」
採訪、攝影：譚倩宜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！