楊千嬅和丁子高昨在金鐘萬豪酒店，為下月5日滿一歲的愛子進諾（Torres）舉行動物主題生日派對，千嬅和囝囝母子裝扮鬆弛熊，丁子高就扮大笨象，會場佈置似動物園，丁子高陪囝囝玩到胳肋底盡濕，千嬅笑說：「我得底衫，除咗冇。」
嫌肥唔搞百日宴
千嬅特別為兒子構思動物主題生日會，她說：「因為動物生命力強，有爆炸力，我個仔係男仔，冇理由扮公主。」千嬅希望為兒子留下美好回憶，但自嘲造型嚇親囝囝，她說：「囝囝見到我哋扮動物勁驚，平時屋企自己化行妝扮靚，佢都好驚，覺得女仔係咪咁。」千嬅透露本想搞百日宴，但當時自己太肥不想見人，還讚兒子在派對上很乖。
昨日很多嘉賓到賀，甘比（陳凱韻）和女兒劉秀樺及姨甥在三名保鑣護駕下現身，由於千嬅呼籲親友勿買禮物，將禮金以兒子名義捐給特殊學校，秀樺遂親自將善款放入捐款箱；還有張燊悅與女兒、汪詩詩及劉浩龍等，問女友容祖兒為何缺席？劉浩龍說：「佢要開工冇嚟。」
採訪：王崇穎
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！