尼馬（圖）嘅下一站逐漸明朗，似乎都係情歸西甲！山度士發表聲明，話𠵱家收到兩份對尼馬嘅報價，球會原則上同意轉會，但至於去邊間，就交由尼馬決定。雖然山度士冇開名話邊間球會，但西班牙《阿斯報》爆料，嗰兩間就係巴塞隆拿同皇家馬德里。其實呢位21歲巴西新星嘅轉會消息都傳咗年幾兩年，由尼馬老竇到球王比利都出過嚟講嘢，都算係近年最煩嘅轉會；希望佢今次轉得成，有個美好前途啦！