【銅鑼灣】謝霆鋒出名嘅chok樣同瀟灑，前晚又見識到啦，話說前晚接近9點喺銅鑼灣霆鋒公司樓下撞到佢，當時佢踢住拖鞋、戴墨鏡同cap帽現身，當佢見到成班記者喺樓下即刻好八卦咁問「等乜」，不過全程竟然可以唔望鏡，瀟灑到爆。到臨入升降機嘅時候，佢就舉起右手揮一揮加句「拜拜」，望都冇望記者就入咗電梯走人。到11點霆鋒離開公司，俾記者問到噚日係張栢芝33歲生日，問霆鋒會唔會同佢慶祝，佢chok住話：「冇呀。」問佢有冇送禮物？佢就唔答。
採訪、攝影：羅德光、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！