東方神起師妹、韓國偶像組合f(x)隊長宋茜、苟芸慧及黃宗澤等，昨日在中環出席Coach活動，low-cut上陣的宋茜獲過百粉絲撐場，相反苟姑娘則穿皮褸包到冚，看來輕微消瘦。問到簽約纖體公司後減去多少磅？苟姑娘說：「眼前最真實，我皮膚白，所以肥啲，冇上過磅，唔望數字冇壓力。」她曾多次否認與郭富城的緋聞，問她會否考慮轉攻黃宗澤？她說：「乜都唔攻，攻電視城！」她堅稱單身，視減肥是工作一部份：「我身形圓，想減到女人啲，希望上圍唔好縮水。」想搣甩肥苟稱號？她說：「叫靚苟得唔得？識中文，覺得有少少傷自尊。」她自言易水腫，將接比堅尼工作？她說：「同公司傾緊，我有自信，不過最唔滿意係個嘴細，顯得包包面。」
問黃宗澤會否加盟曾志偉的新經理人公司？他說：「同無綫有幾年約，世界咁大，簽邊個冇所謂，志偉同無綫熟。」對於好友林峯與吳千語愛得高調，黃宗澤亦戥他們開心。提到陳豪與陳茵媺亦傳婚訊，他則說：「係咩？我工作先，冇目標，冇拍散拖。」
宋茜欣賞曼玉
至於宋茜受訪時，公關及保安如臨大敵，經斟酌咪牌距離後才做訪問，宋茜尷尬得掩面微笑遮醜。她以普通話表示即晚離開，想食蝦餃，港星中欣賞劉德華、梁朝偉與張曼玉：「年輕一代會覺得他們老，但我喜歡他們，有作品一定看，當然想合作。」問到是否很緊張？她說：「因為單人來港，不是怕近距離受訪，只是對近距離陌生。」想不想來港開騷？她合十表示希望。
採訪：梁錦雯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！