囡囡是爸爸前世情人，從鄭中基談女兒Emma時眉飛色舞的表情領悟真諦，41歲的他婚後已將家庭放在首位，Ronald說：「尤其有埋囡囡，實以佢行先。」即使編排工作，Ronald都會顧及快將兩歲的囡囡：「除非我出埠唔喺香港，否則我同咗田雞（經理人田啟文）講，最好七點半收工，趕返屋企陪囡囡食飯，佢九點半就瞓。」Ronald爭取每日有黃金兩小時陪伴女兒：「我唔介意九點半後出去工作。」
Ronald不想錯過Emma成長點滴，尤其享受被囡囡電到暈：「小朋友係一張白紙，我想帶畀佢正能量。」不少父母會分飾忠奸角教育小孩，Ronald跟太太余思敏則沒刻意劃分：「囡囡如果同我玩，咁啱曳曳，我會同佢講唔可以咁做，否則媽咪會嬲，相反囡囡同媽咪玩，遇相同情況，我就要出場，呢招囡囡好肯聽。」
生仔湊好字
Ronald有個唱片公司前高層爸爸鄭東漢，他在父蔭下成為出色藝人，但他卻不鼓勵囡囡做接班人：「囡囡將來入唔入娛樂圈，我會尊重，畀佢揀，不過基本一定要大學畢業。我唔會畀佢做童星，太辛苦，童星又比較老積。」Ronald笑言不擔心囡囡耳濡目染，亭亭玉立想做𡃁模，他搞笑說：「佢冇乜條件。」他又謂現在接戲會更慎重選擇，以免角色為囡囡帶來影響。
Ronald坦言計劃與老婆再生B，他說：「一隊足球隊太多啦，生兩、三個啦。」他稱想把優質資源投放在子女身上，但何時再添丁必要跟太太商量，下一個目標當然要製造「小基基」，與Emma湊成好字。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！