41歲嘅前日本國腳前鋒藤田俊哉（右）喺今季之後會掛靴，而喺周四，藤田曾經效力嘅日聯球隊磐田山葉就同佢搞咗個告別賽，藤田上半場代表磐田明星隊，而下半場則代表日本國家明星隊。為咗隆重其事，呢場告別戰仲係喺東京國立競技場舉行，除咗有唔少球星如中山雅史等出席之外，亦搵嚟日本女子組合AKB48嘅兩名成員中田千智同埋內田真由美獻花㖭！