前湖人教練積遜周三出席美國當地一個電視節目，公開嘲笑湖人季初決定用教練迪安東尼。積遜憶述季初準備答覆湖人會唔會再做教練時，球會經理古比卓克喺之前一晚打畀佢，話已經決定搵迪帥執教，積遜話：「我當時即刻笑咗出嚟。佢話迪安東尼係帶領湖人嘅最合適人選，對於點用尼殊我或者同意，但點用懷特侯活就好有保留。」