吳千語與林峯打得火熱，二人日前雙雙到美國洛杉磯參加林峯弟弟的畢業禮，同時見家長，可見千語BB距踏入林家之門不遠。千語BB昨日與洪卓立、林建明於紅磡出席心晴行動活動，林建明在台上稱呼千語做BB，又抵死問她與愛人一起是否有壓力？千語即笑說：「做藝人一定有壓力，自己都適應同進步緊。」有傳與林峯秘婚，惟千語BB否認結婚，並強調未有計劃，但承認刻意脫下戒指免大家誤會。
互送禮物好平常
提到被指港女，沒車牌都要求林峯買300多萬元的跑車，千語說：「我想學車買車，但係買二手車，冇要求佢買。」她表示很多報道都是虛構出來，連證據、相都沒有，令她感到無奈及不開心，幸好性格開朗懂得處理：「我只想過普通情侶嘅交往，想好平淡自然生活，希望多啲私人空間。」
問到千語返港時的白色Hermès情侶手袋是否林峯送贈？她未有否認，只說：「有互相送。」她稱男女朋友互相送禮好平常，並自爆收入正常，夠自己開支。提到她與林峯返港時，在機場獲男友護送上車，千語即甜笑說：「都開心嘅，男仔gentleman送女仔上車，確保我安全都好sweet。」
洪卓立曾患抑鬱
洪卓立坦言曾有輕微抑鬱，平時會做運動發洩。提到鍾欣桐與韓籍男友K先生分手，他似有所指說：「可能發現咗啲嘢，不過我唔知係乜，會支持師姐。」
採訪、攝影：溫敏芝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！